Helge Torvund er forfattar, lyrikar og psykolog. Denne boka handlar om å vere uendeleg nysgjerrig på kva som ligg bak det som omgjev oss og skjer med oss, og korleis denne nysgjerrigheita kan føre til større livsfylde. Diktaren reflekterer kring det vanlege og det uvanlege, om kunsten å ikkje vite, om at det er godt å teie og vere stille, og om kvifor det å trøyste nokon kan vere så vanskeleg. Som psykolog har han funne fram til lite kjent forsking og uvanlege terapiformer, og som poet skildrar han likskapen mellom kjærleik og dikting. Bokas tema har stor variasjon, med eit bakteppe om korleis det å ha eit vakent blikk og ei nysgjerrig sjel kan gagne ein. Omtalen er utarbeidd av BS.
