Olav H. Hauge står i dag fram som ein av dei store poetane på 1900-talet. Han debuterte i 1946, men fekk sitt verkelege gjennombrot først på 60-talet. Han ga ut 7 diktsamlingar, dikt i samling, omsetjingar av utanlandsk lyrikk og ei ABC-bok. Posthumt er det kome ut fem band dagbøker - på over 3000 sider. Denne filmen er ingen biografi, men ein dokumentar, der ein ser litt på Hauge si utvikling både personleg og litterært. Ikkje minst gir filmen eit møte med Hauge, som her les nokre av dikta sine.