promus

Norsk (nynorsk)

To barn og ein katt sit på ei trapp og filosoferer. Det handlar om røynda og universet, stort og smått, og at det finst utruleg mange slags egg. På tur ut i naturen blir fortid og framtid, vitenskap og fantasi levande og nær. Dikt for småskole-/mellomtrinnet. Omtalen er utarbeidd av BS.

På ei trapp i universet

Novellesamlinga "Enno var dei kroppar" handlar om menneske som er undervegs. Mange av dei er på vandring som eit resultat av klimakrisa, politiske konfliktar eller sosiale og økonomiske ulikskapar. Nokre er allereie komne fram, andre slit med å kome seg vidare. Forteljingane gir oss eit innblikk i korleis livet til millionar av menneske artar seg. Vi møter mellom anna ei kvinne som finn ein baby i ein park og ei bestemor som risikerer å bli skilt frå barnebarna sine når dei kryssar ei landegrense. Vi blir òg kjende med ei jente som søkjer tilflukt hos ein framand stamme. Då skogen vart invadert, vart stammefamilien hennar splitta. Historiene til menneska i boka er prega av brutalitet og svik, men dei inneheld òg omsorg og glimt av håp. Marit O. Kaldhol har teke imot fleire prisar, og ho har skrive bøker i dei fleste sjangrar for både vaksne, barn og unge. Omtalen er utarbeidd av BS.

Enno var dei kroppar

Vi følger Rut på reise til Chile i 2017. Endeleg skal ho bli kjent med landet til ungdomskjærasten Luis, som kom til Noreg som flyktning frå militærdiktaturet i Chile i 1980-åra. Minna tar henne med tilbake i tid, på ei reise gjennom skjelsettande hendingar i chilensk samtidshistorie og til åra dei to hadde saman. Til då det berre var dei to, Rut og Luis, og ho ikkje såg kva politikk hadde med kjærleiken å gjere. Medan Rut prøver å forstå korfor det gjekk som det gjekk, både med Chile og kjærasten, kjem opplevingar frå hennar eigen barndom nærare enn på lenge. Omtalen er utarbeidd av BS.

Ta først på di eiga maske

Boka er ei samling forteljingar som nærast liknar fabelen i si form. Historiene krinsar omkring relasjonar, ofte dei som gjeld foreldre og barn, men òg dei mellom naboar, ektefellar og sysken. Særskild for denne samlinga av tekstar, er korleis forfattaren har komprimert dei ulike historiene om årelange relasjonar inn i ei knapp, avgrensa og ofte symbolsk form, til dømes i ei av forteljingane om ei mor med sju vaksne barn og ei eske full av mjølketennene deira. Omtalen er utarbeidd av BS.

Mjølketannmuseet

Susan flyttar til byen for å gå på danselinja på vidaregåande. For Susan er alt nytt, men no skal sjølvstendige Susan fri seg frå masete foreldre og alt det gamle. No skal ho berre danse, danse alt frå antilopesprang, arabesk og piruettar. Det skal bli eit nytt liv. Men ho skjønar ikkje kvifor dei andre jentene ikkje snakkar med henne, og kva med han guten som kjem nær, eller kva med han med lause skolisser som smell i golvet, eller kvifor hybelvertinna bryr seg. Susan ser på kart over nattehimlane. Mange stjerner er del av eit større bilete, medan andre sviv omkring åleine i utkanten. Forteljing for ungdomstrinnet. Omtalen er utarbeidd av BS.

Z for sorry

Alarmen går, og ungdomsskulen blir evakuert på grunn av ein livsfarleg gasslekkasje. 10. klassingane Lill Miriam, Susan og Ruben opplever den dramatiske situasjon på kvar sin måte. Lill Miriam tenkjer heilt annleis enn dei andre. Ho som er så oppteken av at honningbiene forsvinn, er plutseleg sjølv forsvunnen. Susan har ein vond løyndom ho ikkje klarer å gløyme. Ruben er ny i landet og har berre ein venn, Lill Miriam. Ulike tankar og ulike minne fer gjennom hovudet på dei tre ungdommane. Les om korleis liva deira er knytta saman, kva som er sanning, og kva som er løgn, kven som er modig, og kven som er feig, og kven som er tøff nok til å stå på for det ein kjenner er rett. Fortelling for ungdomstrinnet.

Zweet

Jenny og Solrun veks opp med mor og bestefar Olvar. Dei to søstrene leikar i skogen, på stranda, på tunet. Solrun er størst og skal alltid passe på Jenny. Men så skjer det som ikkje skulle skje. Ingen skulle gå seg vill, mamma skulle vere der, det skulle vere sol. Brått er det Jenny som må ta ansvar, som må vere sterk og vise omsorg. Men kven skal ha omsorg for Jenny?

Det skulle vere sol, vi skulle reise til Lódz

Darwins sporvar

Den vesle kalven ropar på mor si, men ho svarar ikkje. Mor har gått til byen for å kjøpe nye sko. Ho kjem ikkje tilbake. Det viser seg at ho har fått ein ny kalv. Kalven går inn i skogen, der får han striper på kroppen. Og så kjem den tunge og svarte Nekut. Og kalven ligg fastklemt under Nekut i sju år og sju dagar, men så kjem Dori, og alt vert annleis. Dette er ei poetisk forteljing om å miste nokon. Biletbok for småskole-/mellomtrinnet.

Stripekalven

Svensk

No er det er nye tider på slotta. Prinsessene er tilkopla internett, har eigne heimesider, elektriske støvsugarar i dokkehuset og sparkesykkel. Dei klarer seg utmerkt godt på eiga hand og reddar seg sjølve frå drakane, om dei då ikkje like gjerne blir venn med dei, eller overtar jobben deira. I denne boka er det sju prinsessehistorier. Forteljing for førskolebarn/småskoletrinnet.

Marit Kaldhol

Som forfattar

Som omsetjar

Emne knytt til Marit Kaldhol

Kontakt

Om biblioteket

Nettstaden

Kontakt

Om biblioteket

Nettstaden

Marit Kaldhol

Som forfattar

På ei trapp i universet : dikt

Enno var dei kroppar : noveller

Ta først på di eiga maske : roman

Mjølketannmuseet : forteljingar

Z for sorry : roman

Zweet

Det skulle vere sol, vi skulle reise til Lódz : roman

Darwins sporvar : roman

Stripekalven

Som omsetjar

Prinsesser og drakar

Emne knytt til Marit Kaldhol

Kontakt

Om biblioteket

Nettstaden