promus

Norsk (nynorsk)

Ein gut har ein sår lengt etter bestevenen sin, nabojenta som han brukte å leike med kvar dag, og som han utan kanskje å forstå det sjølv er litt forelska i. Det er eit år sidan ho flytta, og sidan då har det regna i 269 dagar. Men ho sender ham mjølkesjokolade og gåtefulle meldingar, som minner ham om noko dei hadde saman. Dette er ei forteljing om å sakne nokon ein er glad i på godt og vondt. Billedbok for småskole-/mellomtrinnet.

To hundre og sekstini dagar

Heavykatten har fått ny gitar og er veldig stolt. Men ein morgon er gitaren borte. Nokon må ha stole den. Det er fleire mistenkjelege personar i den lille byen. Heavykatten er fortvila. Han skulle jo være med i den store konkurransen der ein kan vinne kr 1000,- eller ein geitost. Pinnsvinet Philip og Discodansemusa lagar ein plan for å finne tjuven og hjelpe Heavykatten. Nynorsk tekst. Forteljing for mellomtrinnet.

Heavykatten og gitaren

Å ha sin eigen katt er ein draum for mange. Den vesle jenta hugsar godt ho fekk katten sin, kor redd og liten han var den første tida. Etter som tida gjekk blei den tryggare og jenta og katten blei gode venner. Ein dag vert katten sjuk. Det er ikkje noko meir dei kan gjera for han seier dyrlegen. Om natta drøymer jenta at katten seier han vil dra til Englefjell. Eit fjell som både er eit ordentleg fjell men og ein stad jenta og katten kan sjåast igjen når katten er gravlagt under morelltreet. Boka fortel om det nære venskapet mellom jenta og katten og om sjukdomen på ein usentimental og var måte. Nynorsk tekst. Billedbok for førskolebarn/mellomtrinnet.

Englefjell

Dette er den tredje og siste boka om disse tre: ein katt, ei mus og eit pinnsvin som vankar på same kafé, men som er svært ulike typar og kom tidligare ikkje alltid like godt overeins. Nå har dei funne kvarandre tross skilnadene, og det er duka for sjalusidrama når den søte Polkagrisen dukker opp... Statens bibliotektilsyns rådgivende utvalg for barne- og ungdomslitteratur skreiv blant anna om den første boka i serien: "Figurane i boka er karikaturar, samstundes har dei trekk frå det dyret dei er. Sammenstillinga gir ein humoristisk effekt og parallellen til mellommenneskelege tilhøve gir stoff til ettertanke. Dialogar og skildringar er fyndige og treffande. Somme stader nyttar forteljaren omgrep som ein må vere vaksen for å forstå. Illustrasjonane i svart/kvitt står godt til teksten."

Polkagrisen

Ein katt, ei mus og eit pinnsvin vankar på same kafé, men er svært ulike typar og kjem ikkje alltid godt overeins. Musa blir lokka til byen av Reven Ruben, direktør i eit plateselskap, for å gjere songkarriere. Ho blir blenda av det luksustilveret han omgir seg med, men dei to venene hennar avslører han. Til å byrje med trur ikkje musa noko på dei, men då Reven Ruben let sekretæren sin, frøken Söllrew, syngje for publikum med opptak av musa sin stemme, og dette blir avslørt når katten kuttar straumleidninga, då skjøner musa at ho er blitt lurt. Figurane i boka er karikaturar, samstundes har dei trekk frå det dyret dei er. Sammenstillinga gir ein humoristisk effekt og parallellen til mellommenneskelege tilhøve gir stoff til ettertanke. Dialogar og skildringar er fyndige og treffande. Illustrasjonane i svart/kvitt står godt til teksten. Cappelen, 2001.

Reven Ruben

Ein katt, ei mus og eit pinnsvin vankar på same kafe, men er svært ulike som personar og kjem ikkje godt overeins. Men for å redde den konkurstruga kafeen, bestemmer dei seg for å arrangere ein konsert saman. Her kjem kvar person til orde med si musikkform, og framsyninga blir ein suksess både kunstnarleg og for venskapen som oppstår mellom dei tre. Figurane i boka er karikaturar av ulike personlegdomstypar, samstundes som dei har trekk frå det dyret dei er. Sammenstillinga gir ein humoristisk effekt og parallellen til mellommenneskelege tilhøve gir stoff til ettertanke. Dialogar og skildringar er fyndige og treffande. Somme stader nyttar forteljaren omgrep som ein må vere vaksen for å forstå. Illustrasjonar i svart/kvitt står godt til teksten. Cappelen, 2000.

Roald Kaldestad

Som forfattar

Emne knytt til Roald Kaldestad

Kontakt

Om biblioteket

Nettstaden

Kontakt

Om biblioteket

Nettstaden

Roald Kaldestad

Som forfattar

To hundre og sekstini dagar

Heavykatten og gitaren

Englefjell

Heavykatten, Discodansemusa og Pinnsvinet Phillip. 3. Polkagrisen

Heavykatten, Discodansemusa og Pinnsvinet Phillip. 2. Reven Ruben

Heavykatten, Discodansemusa og Pinnsvinet Phillip

Emne knytt til Roald Kaldestad

Kontakt

Om biblioteket

Nettstaden